చింతలపూడి మండలంలో ఆంధ్రా కాలవ(తుంబూరు ఆనికట్ట కాల్వ)క్రింద10 వేల ఎకరాల పంట పొలాలకు సంబంధించిన 21చెరువులను సైతం చింతలపూడి ఎత్తిపోతల పధకం క్రింద చేర్చి గోదావరి జలాలను పారించ వలసిందిగా రైతులు కోరుచున్నారు.
ఇప్పటి తెలంగాణా రాష్ట్రంలో ఖమ్మం జిల్లా సత్తుపల్లి మండలం బేతుపల్లి చెరువు వరద నీరు మీద ఆధారపడి తమ్మిలేరు మీద తుంబూరు వద్ద 50సం.క్రితం ఆనికట్ట నిర్మించబడింది.
ఆంధ్రాకు ఒక కాల్వ తెలంగాణాలో కందుకూరుకు ఒక కాల్వ ఏర్పాటు చేయబడ్డాయి.
మన ఆంధ్రా కాల్వ నీటి పారుదల తూము మట్టం ఎత్తుగా కందుకూరు కాల్వ తూము మట్టం పల్లంగా కట్టబడింది.
అందువలన ఆంధ్రా కాల్వకు మామూలుగా నీరు ప్రవహించేది కాదు.
తమ్మిలేరు ఉధృతంగా వస్తేనే ఆంధ్రా కాల్వకు వరదనీరు ఎక్కి 21చెరువులు నిండేవి.
అందుచేతే 50 సం.ల కాలంలో చాలా తక్కువ 10 సార్లు మాత్రమే ఆంధ్రా కాల్వ ద్వారా చెరువుల నిండా నీరు వచ్చింది.
సదరు 21చెరువుల ద్వారా నీరు వచ్చినా రాకపోయినా మాకు నీటితీరువా కట్టక తప్పటం లేదు.
ఆ మధ్య కాలంలో ఉమ్మడి ఆంధ్రప్రదేశులో తమరు ముఖ్యమంత్రిగా 1995నుండి2004 వరకు పరిపాలన చేసిన కాలంలో అప్పటి మంత్రి తుమ్మల నాగేశ్వరరావు మద్ధత్తుతో బేతుపల్లి చెరువు కళింగ మీద అడుగు ఎత్తున ఇసుక బస్తాల కట్ట కట్టి తమ్మిలేరుకు వరద నీరు రానివ్వకుండా ఎన్టీయారు కాల్వకు మళ్ళించ బడింది.
అప్పుడు మా ఆంధ్రా కాల్వ క్రింద చెరువులు వట్టి పోయి పొలాలు ఎండి పోయాయి.
మాకూ తెలంగాణాకు మంత్రులు తుమ్మలకు కోటగిరి విద్యాధరరావులకు అది జల జగడంగా మారింది.
అప్పటి నుండి తమ్మిలేరుకు తుంబూరు ఆనికట్ట ద్వారా ఆంధ్రా కాల్వకు వరద నీరు సరిగా రాలేదు.
అందువలన ఆంధ్రా కాల్వ ఆక్రమణలతో ముళ్ళతుప్పలతో శిధిలమై పోయింది.
పైగా ఆంధ్రప్రదేశ్ విభజించబడి తెలంగాణా రాష్ట్రం ఏర్పడిన దరిమిలా ఇప్పుడు బేతుపల్లి వరదనీరు తమ్మిలేరుకు రాకుండా అడుగు ఎత్తు అదనంగా పెంచి కళింగ కట్టి వేశ్యకాంతల చెరువుకు మళ్ళించి నూతన ఎన్టీయారు కాల్వ ద్వారా వాళ్ళ చెరువులను నింపుకుంటున్నారు.
మనకు చుక్కనీరు రానిచ్చుట లేదు.
తుంబూరు ఆనికట్ట ఆంధ్రా కాల్వ వరద నీటి సరఫరా ఉందన్న కారణంతో సదరు 21చెరువులను చింతలపూడి ఎత్తిపోతల పధకంలో ఆదిలో చేర్చలేదు.
రాష్ట్ర విభజన జరగటంతో పాటు బేతుపల్లి చెరువు వరద నీరు రానివ్వని పరిస్థితులలో 21చెరువుల 10వేల ఎకరాల పంట పొలాలకు చింతలపూడి ఎత్తిపోతల పధకం మినహా వేరే దారి లేదు.
వర్షాధార పరిస్థితులలోనే10వేల ఎకరాలలో ఒక పంట సుమారు 3 లక్షల బస్తాల వరిధాన్యం పండుతున్నది.
సమృద్ధిగా సాగు నీరు లభిస్తే మరింతగా రైతులు అధికోత్పత్తి సాధిస్తారు.
రైతు కూలీల జీవన పరిస్థితులు మెరుగవుతాయి.
ప్రతి రూపాయికి ప్రభుత్వ పధకాల మీద ఆధారపడకుండా స్వశక్తిగా నిలబడతారు.
అందువలన సదరు 10వేల ఎకరములకు సాగునీటి సరఫరా చేయగల 21చెరువులను చింతలపూడి ఎత్తిపోతల పధకం క్రిందకు చేర్చి గోదావరి జలాలను పారించి పంట పొలాలను సస్యశ్యామలం చేయ వలసిందిగా రైతులు కోరుకుంటున్నారు.
X-X-X
ఈ సమస్య పైన ముఖ్య మంత్రి గారు స్పందిస్తే రైతుల యొక్క తరాలు పార్టీ కి కట్టుపడి ఉంటారు అనేది విశ్వసనీయమైన సమాచారం. ఈ విషయం పైన స్థానికి రైతులు, స్థానిక నాయకులు మాజీ మంత్రి, ప్రస్తుత చింతలపూడి శాసనసభ్యురాలు అయినటువంటి పితల సుజాత గారికి విన్నపించుకోవడం జరిగింది అలాగే ఏం . పి మాగంటి బాబు గారికి విన్నపించుకున్నాట్టు సమాచారం. ఈ విషయాన్ని ప్రస్తావనలోకి తీసుకోని వస్తే నియోజకవర్గం లో పార్టీ కి ఈ సమయంలో భలం చేకూరుస్తుంది.
అలాగే నియోజకవర్గం లో విద్య వైద్యం పైన ప్రస్థావన ఉంటె పొరుగు ఉరు వెళ్ళి తమ పిల్లలని చదివించుకోవాలి అనే భారం ఉన్న తల్లితండ్రులు, ఉన్నత విద్యను అభ్యసించాలి అనే ఆలోచన ఉన్న విద్యార్ధుల కలలు నేర్వేర్చినవారు అవుతారు.
మొత్తానికి బాబు గారి రాకకు సర్వం సిద్దం - అయన ఏ విషయాన్ని ప్రస్తావనకి తీసుకోని వస్తారు అనే విషయం పైన సీనియర్ నాయకులు - రాజకీయ విమర్శకులు వేచి చూస్తున్నారు. ఇప్పటికే మాగంటి బాబు గారు మరియు సుజాత గారు వేధిక మరియు ఇతర ఎర్పటులు పర్యవేక్షించినట్టు సమాచారం.
Image